專家批「頭像類、無使用性嗰啲NFT好多都要蝕」

    送牛迎虎(二)︱專家批「頭像類、無使用性嗰啲NFT好多都要蝕」大膽預料呢款會跑出

    數到牛年加密貨幣的代表字,Newman Capital 投資合夥人葉永禧向 fintalk180 表示:「如果鼠年係DeFi,牛年一定係 NFT!」並指過去數月 NFT 以天價成交的例子累見不鮮,認為 BAYC 和 CryptoPunks 等已經成為藍籌類 NFT,並在市場上已經有一定地位。隨有不少新晉 NFT 面世,並以成為下一個 BAYC 或 CryptoPunks 為目標。

    但葉永禧亦特別提醒投資者,市場上已經有太多全無使用性(utility)的 NFT 項目,即買家在購買相關 NFT 後,除了用作社交媒體頭像外,無法給予進一步用處,「假如 NFT 市場需要長遠同可持續發展,相信(依個)唔係最理想嘅情況。」

    頭像類NFT較難重演過去走勢

    葉永禧續指,隨 NFT 投資者開始成熟和更重視是否有可用性,頭像類 NFT 於虎年相信會較難重演牛年走勢,「NFT 係一個好寬嘅領域,即使整體 NFT 市場牛年可以說是大豐收,不過很大部分的 NFT 項目根本無任何表現,甚至跑輸大市,特別係頭像類!」

    問到是否代表 NFT 即將「玩完」? 葉永禧進一步解釋,因為 NFT 的獨特性質及其極高商業性,令普羅大眾容易接受,長遠相信會繼續存在。「不過 NFT 市場需要時間畀大家沉澱一下,消費者需要時間學習點樣判斷 NFT 的價值。而唔係盲目地追捧單靠明星嚟推廣同包裝嘅 NFT。」

    「大部份頭像類NFT並不是藝術」

    他續指,消費者同時需要時間學習,大部份頭像類 NFT 並不是「藝術」  :「佢哋並唔會同梵高、畢加索睇齊。」並指假如投資者有意參與投資 NFT,認為入場前必需先認清投資目標,「到底係短線定係長線?二級市場流動性係點?相關項目背後團隊係點?依啲都係需要留意。」

    假如「頭像」NFT 炒風不繼,那款 NFT 可看高一線?葉永禧認為 NFT 的可使用性將會是虎年一大主題。與此同時留意到市場上部分能夠以 NFT,將遊戲和 DeFi 進一步結合的計劃,「想講嘅並唔係好似 Axie Infinity 強調邊玩邊賺嘅項目,反而係一啲能夠以透過玩遊戲,嚟進行以往只能喺複雜 DeFi 項目上進行嘅金融活動」,他指這些項目以 NFT 來貫穿整個生態系統,相關的 NFT 未來相信有機會跑出。

    #Blockchain #DigitalAsset #fintalk180 #NFT #以太坊 #加密貨幣 #區塊鏈 #數字資產 #梵高 #畢加索 #葉永禧 #金融科技

    相關文章