專訪︱dR. X疫下斥百萬中環開Bored Ape餐廳

    專訪︱Beatbox歌手靠炒幣獲開業資金 疫下斥百萬中環開Bored Ape餐廳

    隨 Web3.0 在香港植根,虛擬世界亦轉趨「實體化」,令 NFT 不再「只係一張 jpeg」。本身有投資加密貨幣、稱手持 Bored Ape #8155 的 Beatbox 歌手 dR. X(黃浩邦) ,去年 7 月於疫情下斥過百萬在中環開設無聊猿主題餐廳 Bored Garden,最初生意一般,隨即轉型舉辦 web3.0 社群聚會及講座,並設換幣服務,令生意起死回生。

    「邊個own咗個NFT就可以做brand」

    「好多人都覺得 NFT 係一張 jpeg,好似無乜用,但係 Bored Ape 真係唔同啲喎。」dR. X 指出,因加密貨去中心化的特性,「邊個 own 咗個 NFT 就可以做 brand…人哋做得咁成功嘅品牌,如果 develop 多啲嘢就好」,經常光顧快餐店的他認為,坊間不少快餐店都無心機製作食品,於是聯同從事飲食的拍檔,開設 NFT 餐廳「Bored Garden」。

    過去亦有 NFT 持有人開設餐廳的例子,去年 3 月,Los Angeles 餐廳老闆 Andy Nguyen 斥 26.7 萬美元(約 209 萬港元)購買了《Bored Ape Yacht Club》#6184 和兩枚《Mutant Ape Yacht Club》NFT,之後便獲得了授予 NFT 持有者的 IP 所有權和社群,在美國加州開設全球首間「Bored & Hungry」餐廳。至於 dR. X 的 Bored Garden 於 Twitter 的帖文,亦被 BYAC 官方帳號轉發,間接顯示獲得「認証」。

    dR. X 補充,有別於傳統 IP(知識產權),「根據 Bored Ape 嘅聲明所講,(NFT 持有人開店)係冇咩限制」,認為 Bored Ape 是教育大眾認識 Web3.0,被問到如果沒有持有 Bored Ape,可否自行開餐廳,他指出如「A 貨」一樣,「睇下自己面皮夠唔夠厚。」

    dR. X 女友是俄羅斯模特兒,順水推舟吸引了很多外藉模特兒朋友到店內「打卡」宣傳。

    Bored Ape NFT叫價86萬

    根據 OpenSea 所見,現時 dR. X 持有的 Bored Ape #8155,叫價為 64.25 以太幣,即約 86 萬港元,在中環開設餐廳亦代價不斐,dR. X 表示,單計裝修已過百萬。他坦言開業資金全來自炒幣,「炒幣嘅上落速度好大,你見佢跌咗半,點知點轉頭又升一倍。」他認為在幣市獲得財富並不難,「就算坐艇都唔驚」,至於他投資那款加密貨幣,他稱主要是以太幣、APE(Bored Ape 所屬貨幣)為主。

    問及投資心得,他指:「與其睇升定睇跌,我覺得紀律更重要」,至於對後市的看法,他又未言十分樂觀,「都係上落市為主」。言談間發現 dR. X 每次交易都動輒十萬元,一般散戶似乎難以模仿。

    OTC暫只接受穩定幣兌換

    dR. X 續指,餐廳選址中環蘭桂坊附近,因有多國人士聚集,較接受多元文化,「除咗食嘢,大家可以同炒幣嘅人交流。」他亦認為,疫情對開餐廳的決定影響不大,就如加密貨幣一樣,大家都不知何時見底,於是選擇在疫情漸趨穩定時開業。

    但他坦言,開業後一、兩個月反應「麻麻」,「如果只係宣傳啲包,啲人只係嚟食包,咁樣會唔掂」。之後餐廳宣傳針對加密貨幣愛好者,舉辦了多場 Bored Ape 聚會及講座,又開設 Whatsapp 交流群組,並曾舉辦抽獎活動,最後成功殺出重圍,「嚟得依度嘅除咗食嘢,都有互相學習、交流。」

    餐廳另設有 OTC(找換店)服務,帶來的收入更與餐廳生意相若。而 OTC 暫時只接受穩定幣 USDT、USDC 兌換,他解釋目標之一是先讓客人了解加密貨幣,因穩定幣風險相對較低,待客人有一定認識時,可再兌換成以太幣購買 NFT。

    他亦坦言,持有 Bored Ape 的客人消費能力亦較高。不少客人光顧之餘亦會換幣,直接增加店內收入。去年跌市期間,有部分以合約交易及買跌的客人,換幣的頻率較高,令 OTC 生意未有太大影響。

    dR. X認為,港人接受加密貨幣程度「始終都係慢少少」。

    「港人見到有錢搵一定唔會執輸」

    「除咗外國人,好多銀行家會嚟,有部分係想了解多啲加密貨幣。」他最近亦開設 YouTube 頻道,拍攝場地主要在餐廳二樓,邀請有接觸加密貨幣的藝人朋友受訪。餐廳最近亦加入新菜式,以中西文化匯聚為主題,其中包括芫茜漢堡,「啲芫茜係炸過,無乜臭味,唔鍾意食芫茜嘅朋友都會覺得好正。」

    問到港人對加密貨幣的看法,他認為接受程度始終慢少少,「你話有無人覺得係呃人,其實一定有,但香港人好醒,見到有錢搵嘅地方一定唔會執輸。」

    他續指:「無論音樂又好、金融又好,香港好多都慢人一步,好想透過舖頭同埋社群,推動依啲軟實力。」dR. X 指,「好多人覺得加密貨幣係一啲唔實在嘅嘢,依度想做一個試點,可以用 Bored Ape 依個品牌開舖頭,同埋無限制,任你發揮」。

    現時店舖每月幾乎收支平衡,部分月份有盈餘,亦正部署在泰國開分店,並會舉行 Instagram Reels 拍攝比賽,將社群擴大。

    #8155 #BAYC #Beatbox #BoredGarden #fintalk180 #NFT #OpenSea #OTC #Web3 #黃浩邦

    相關文章