專訪︱《明日戰記》NFT製作商拒靠明星光環 以Web3將電影背後故事帶給觀眾
《明日戰記》屢創記錄，成為香港電影史上最賣座亞洲電影，早於上映前，更率先公布進軍 Web3 世界，推出 NFT「OneCool Collective」及手機遊戲。負責推出 NFT 的 Gusto Collective 創始成員 Lucas Cheung 接受 fintalk180 專訪稱，首要目的是讓大眾了解 OneCool 非「賣明星」的項目，「要俾到大家睇，其實將 IP 帶到 Web3.0 世界嘅時候，有咩 utility（效用）可以產生，唔係單純造咗一幅圖就完。」
上映前，《明日戰記》方面已標榜其 NFT「並非普通一張 jpg」，指允許 NFT 持有者在所擁有的 NFT 中互換造型特徵，包括武器、身體裝甲等五個部分，這些可互換元素會實時反映在 NFT 市場上，售價為 0.18 以太幣。為了讓項目更貼地，OneCool 更與家電網購平台友和合作，推出限定收藏版禮品包 等。
欲通過Web3令觀眾成為super fans
Lucas Cheung 表示，「好多人講起 NFT、Web3.0，就好想知道可唔可以用喺宣傳，甚至係日後發展。」OneCool 主要目的是建立社群，期望可為用戶建立更佳體驗，「例如畀觀眾更了解到電影裡面嘅故事，等佢哋成為一個 super fans。」
早前天下一宣布啓動 30 年科幻計劃，將推出《明日戰記》前傳動畫。Lucas 稱電影片長約兩小時， 未必可完全呈現當中的世界，Web3.0 就可透過劇本或概念圖等，以 Web3.0 形式將電影背後故事帶給觀眾。
前傳動畫將與 NFT 聯動，例如可在社群內構思劇本，「有少少類似 DAO 嘅概念，當然無可能成個劇本都係（由社群創作），但集思廣益好重要。」他舉例，動畫制作過程中，需要大量軍事知識，「例如喺裝甲車跳落嚟嗰時，想知道個衝擊可以有幾大」，透過社群就可找到相關建議。
被問到 Web2.0 及 Web3.0 社群最大分別，他指 Facebook、Instagram 等 Web2.0 平台都容易接收訊息，但難以回饋客人。但以 Discord 為例，用戶若有創意的意見，「會有方法畀 credit 佢哋，例如可以將佢哋設計嘅角色，鑄造 10 個 NFT 畀佢哋，佢哋可以將圖片轉成頭像予大眾投票。」
名人加持未必對NFT有利
近月 NFT 多次爆公關災難，部分牽涉當紅藝人，Lucas 坦言，市場出現不少「割韭菜」後，名人加持未必對 NFT 有利。他坦言，若藝人推出 NFT 為割韭菜，「只係消費緊自己嘅聲譽 」。他並不太在意 NFT 價格，因項目提供到特別嘅 utility（功用），價格自然會升。
他指出，現時香港電影圈青黃不接，但能加入的機會亦很少，「如果 Web3 可以有一個社群，可以降低門檻，等大家都可以參與製作，就可以吸引到更加多人才」。
Lucas 早前參加了 StartmeupHK 創業節，分享對 Web3.0 的看法。他指出，不少客戶欲進入 Web3.0 時，都集中在如何利用它宣傳，反而忽略如何匹配核心業務，「NFT 只不過係工具，到底企業嘅目標係咩，其實好重要。」現時元宇宙則是一個理想的「試錯場地」，「元宇宙吸引到比較年輕客戶，就算做啲比較新嘅嘢，即使效果唔係太好，都唔會對現有客戶有太大影響。」
他認為，現時 Web3.0「講嘅人多、聽嘅人多、但用嘅人唔係好多」，主因之一是門檻太高，稱如要令 Web3.0 普及，如何降低門檻將是一大難題。
如何吸引用戶成為一大難題
他坦言，如何吸引未接觸加密貨幣的 Web2.0 用戶成為一大難題，例如大部份用戶都不懂使用冷錢包，「最後我哋搵咗 Hot Toys 合作推出珍藏人偶，仲有戲飛等等，令到人認為成件事係物超所值。」
過去加密市場面對不少割韭菜事件，影響大眾對 Web3.0 觀感。Lucas 指早前透過 7-Eleven 獲取限量版武器，便令大眾有實質體驗，期望日後可透過更多活動及體驗，令大眾知道「Web3.0 唔係呃人，賣咗張 jpg就算」。
